జస్ట్ కానిస్టేబుల్... కోట్లు సంపాదించాడు..
Published on: Mon Dec 28, 2015 10:35PM
మధ్యప్రదేశ్‌లోని ఓ ట్రాఫిక్ కానిస్టేబుల్ కోట్లకు కోట్లు సంపాదించేశాడు. అతగాడికి ఆరు ఇళ్ళు, నాలుగు కార్లు, ఎనిమిది బ్యాంకు అకౌంట్లు... మొత్తమ్మీద ఓ పాతిక కోట్ల ఆస్తి అతగాడి పేరు మీద వుంది. మధ్యప్రదేశ్‌లోని జబల్‌పూర్‌లో ట్రాఫిక్ కానిస్టేబుల్‌గా పనిచేస్తున్న అరుణ్ సింగ్ ఆస్తుల మీద అవినీతి నిరోధక శాఖ అధికారులు దాడులు చేసినప్పుడు అతగాడి ఆస్తుల వివరాలు చూసి అధికారులే నోళ్ళు తెరిచారు. ఈయన పేరు మీద 25 ఎకరాల ఫామ్ హౌస్ వుందంటే పరిస్థితి ఏ రేంజ్‌లో వుందో అర్థం చేసుకోవచ్చు. జస్ట్ ట్రాఫిక్ కానిస్టేబుల్ ఇంత డబ్బు ఎలా సంపాదించాడో అర్థం కాక అధికారులు జుట్టు పీక్కుంటున్నారు.
