తెలంగాణ రాష్ట్ర సాధన కష్టమేనని చట్టసభల్లో ఆమేరకు తగిన బలం లేనందున తీర్మానం చేయటం అసాద్యమే అని తేలింది. రాజ్యసభ అనుభవం లోక్‌సభలోనూ ఎదురవుతుందని అన్ని రాజకీయ పార్టీలు తలస్తున్నాయి. అయితే రాష్ట్రంలో అధికార పార్టీకి అడ్డంకిగా ఉన్న తెలంగాణ సమస్యకు కేంద్రం ప్రత్యామ్నాయాన్ని వెదుకుతుంది. అందులో భాగంగా గుర్ఘాలాండ్‌ తరహాలో ప్రత్యేక ప్రతిపత్తితో కూడిన బోర్డు ఏర్పాటు చేయనుందని తెలుస్తుంది. తెలంగాణ ప్రజలు స్వయం పాలన కోరుతున్నందువల్ల రాష్ట్ర ఏర్పాటు మినహా ఆస్ధాయిలో ప్రత్యామ్నాయం ఏర్పాటు చేస్తే వారిని సంతృప్తి చేయవచ్చని కాంగ్రెస్‌ భావిస్తుంది. ఇటీవల మమతా బెనర్జీ ముఖ్యమంత్రి అయిన తరువాత కొన్ని దశాబ్దాల నుంచి పశ్చిమ బెంగాల్‌ను పట్టి పీడిస్తున్న గుర్ఖాలాండ్‌ సమస్యను పరిష్కరించిన వైనాన్ని కాంగ్రెస్‌ నాయకత్వం పరిశీలించింది.అదే పరిష్కారాన్ని తెలంగాణకు కూడా అమలు చేయాలని యోచిస్తున్నట్లు తెలుస్తుంది. ఆ ప్రతిపాదనను సీమాంద్ర ఎంపీలు కూడా  ఈ పాటికే ఆంగీకరించారని తెలుసింది.రాష్ట్రం ముక్కలు కాకుంగా ఉండే ఎలాంటి నిర్ణయాన్నయినా సమర్ధిస్తామని తెలంగాణకు న్యాయం జరిగేందుకుచేసే ప్రయత్నాలకు ఎట్టి పరిస్థితుల్లోనూ వ్యతిరేకించమని ఆయా నాయకులు హామీ ఇచ్చారు. దానివల్ల తెలంగాణకు కెటాయించే నిధులన్నిటినీ ఎవరి అనుమతులు లేకుండా ఖర్చుపెట్టుకునే అధికారం ఉంటుంది. దానివల్ల ప్రాధాన్యతా రంగాలకు ఖర్చుపెట్టడం ద్వారా తెలంగాణాను అభివృద్ది చేసుకోవచ్చునని కేంద్రం భావిస్తుంది. దీనివల్ల తెలంగాణ సమస్యకు చెక్‌ చెప్పి రానున్న ఎన్నికల్లో తమ సత్తా చాటాలనుకుంటుంది