పోలవరం బిల్లుకు మద్దతు తెలిపిన కాంగ్రెస్
Published on: Mon Jul 14, 2014 3:22PM
రాజ్యసభలో ఏపీ పునర్‌వ్యవస్థీకరణ చట్ట సవరణ బిల్లు(పోలవరం ముంపు గ్రామాలు ఏపీలో విలీనం)పై రాజ్యసభలో చర్చ జరుగుతోంది. కాంగ్రెస్ ఎంపీ జైరాంరమేశ్‌ సభలో ప్రసంగిస్తున్నారు. పోలవరం సవరణ బిల్లుకు ఆయన పూర్తిగా మద్దతు తెలిపారు. తాను స్వయంగా పలుమార్లు పోలవరం ప్రాజెక్టు ప్రాంతాన్ని చూసినట్టు ఆయన తెలిపారు. 45 వేల కుటుంబాలకు పునరావాసం కల్పించాల్సి ఉందన్నారు. ముంపు ప్రాంతాల ప్రజలకు ఆంధ్రప్రదేశ్‌ ప్రభుత్వమే పునరావాసం కల్పిస్తుందని ఆయన అన్నారు. జైరాంరమేశ్‌ ప్రసంగాన్ని తెలంగాణ ఎంపీ వి.హన్మంతరావు అడ్డుకోవడానికి ప్రయత్నించారు. ఇతర సభ్యులు ఆయనకు మద్దతుగా నినాదాలు చేయగా, డిప్యూటీ చైర్మన్‌ కురియన్‌ వారికి సర్దిచెప్పి చర్చను కొనసాగిస్తున్నారు.
