రోజా సస్పెన్షన్ పై కమిటీ..
Published on: Sat Jan 2, 2016 11:22AM

వైసీపీ ఎమ్మెల్యే రోజా అసెంబ్లీలో అనుచిత వ్యాఖ్యలు చేసిందన్నఆరోపణపై స్పీకర్ ఆమెపై ఏడాది పాటు సస్పెన్షన్ వేటు వేసిన సంగతి తెలిసిందే. దీనికి ప్రతిపక్ష పార్టీలు రోజాపై అనవసరంగా సస్పెన్షన్ వేటు వేశారంటూ అధికారపార్టీపై విమర్శలు కూడా చేశారు. అయితే ఇప్పుడు రోజా సస్పెన్షన్ వ్యవహారంపై డిప్యూటీ స్పీకర్ కమిటీ ఏర్పాటు చేసినట్టు తెలుస్తోంది. స్పీకర్ కోడెల బుద్దా ప్రసాద్ ఆధ్వర్యంలో కమిటీ సభ్యులుగా ముగ్గురిని నియమించారు. శ్రవణ్ కుమార్(టీడీపీ)శ్రీకాంత్ రెడ్డి (వైసీపీ) విష్ణుకుమార్ రాజు (బీజేపీ) ఈ కమిటీ సభ్యులు. ఈ సందర్భంగా రోజా సస్పెన్షన్ గురించి.. భవిష్యత్తులో తీసుకోవాల్సిన చర్యలపై ఇరవై రోజుల్లోగా నివేదిక ఇవ్వాలని స్పీకర్ కోడెల సభ్యులను ఆదేశించడం జరిగింది.


