తెలుగు సినిమాల్లో క్యారెక్టర్లు ధరించే కరాటే కళ్యాణి అనే నటి పేకాడుతూ పోలీసులకు పట్టుబడింది. హైదరాబాద్‌లోని ఎల్బీ నగర్‌ సమీపంలోని చింతల్ కుంట ప్రాంతంలో ఒక ఇంట్లో పేకాట జోరుగా సాగుతోందన్న విషయం తెలుసుకున్న పోలీసులు ఆదివారం రాత్రి దాడి చేశారు. ఈ సందర్భంగా పేకాడుతున్న సినీ నటి కరాటే కళ్యాణితోపాటు మరో 11 మందిని పోలీసులు పట్టుకున్నారు. వీరి దగ్గర నుంచి 75 వేల నగదు, 8 మొబైల్ ఫోన్లు స్వాధీనం చేసుకున్నారు.