రాష్ట్ర విభజనపై ఇంత వరకు మాటలతోనే సరిబెడుతున్నముఖ్యమంత్రి కిరణ్ కుమార్ రెడ్డి ఇక వ్రాతల్లోకి కూడా దిగారు. ప్రజాభీష్టానికి, రాజ్యంగానికి విరుద్ధంగా సాగుతున్న రాష్ట్ర విభజనను వెంటనే నిలిపివేయాలని కోరుతూ ప్రధానికి, రాష్ట్రపతికి వేర్వేరుగా లేఖలు సందించారు. రాష్ట్ర విభజనవల్ల వచ్చే వివిధ సమస్యలను, వాటి పట్ల ప్రజలు, ప్రజాప్రతినిధుల ఆందోళనలను వేటినీ కూడా ఖాతరు చేయకుండా ఇంత హడావుడిగా, మొండిగా ముందుకు సాగడంలో ఔచిత్యం ఏమిటని ప్రశ్నిస్తూనే, పారదర్శకతలేని కారణంగా ప్రజలు కూడా అనుమానిస్తున్నారని ఆయన వ్రాసారు. ఇంతకు ముందు రాష్ట్రవిభజన చేసినప్పుడు ఏవిధమయిన పద్దతులు పాటించారో, ఇప్పుడు ఆంధ్ర రాష్ట్ర విభజనలో కూడా అదేవిధమయిన శాస్త్రీయ, రాజ్యంగా బద్దమయిన పద్దతులను పాటిస్తూ, శాసనసభను కూడా పరిగణనలోకి తీసుకొని ముందుగా విభజన తీర్మానం, ఆ తరువాత బిల్లును పంపాలని ఆయన తన లేఖలో కోరారు.