కేసీఆర్ కు మోడీ లేఖ..
Published on: Thu Dec 31, 2015 2:42PM

తెలంగాణ ముఖ్యమంత్రి కేసీఆర్ ఈనెల 23 నుండి 27 వరకు ఆయుత చండీయాగం నిర్వహించిన సంగతి తెలిసిందే. కేసీఆర్ అత్యంత ప్రతిష్టాత్మకంగా నిర్వహించిన ఈ యాగానికి అనేక మంది ప్రముఖులు పాల్గొన్నారు. అయితే ఇప్పుడు కేసీఆర్ నిర్వహించిన యాగం గురించి ప్రశంసిస్తూ ప్రధాని నరేంద్రమోడీ కేసీఆర్ కు లేఖ రాసినట్టు తెలుస్తోంది. అయుతచండీ మహాయాగం నిర్వహించడం సంతోషకరమని.. యాగం విజయవంతం కావడం పట్ల మోడీ అభినందనలు తెలిపారు. యాగం వల్ల ఆధ్యాత్మిక సంక్షేమ, లోక కల్యాణం, విశ్వశాంతి చేకూరుతుందని ఆకాంక్షించారు. విశ్వశాంతి కోసం యాగం నిర్వహించడం మంచిదని.. యాగం ఫలితాన్నిస్తుందన్నారు.


