తెలంగాణ రాష్ట్రం ఏర్పడటానికి కేసీఆర్ ఎంతో గానే పోరాటం చేసిన సంగతి తెలిసిందే. కానీ అదే తెలంగాణ రాష్ట్రం ఏర్పాటుకు.. తెలంగాణ ఉద్యమంలో కీలక పాత్రం పోషించింది ఎవరంటే.. టక్కున కోదండరామ్ పేరు వినిపిస్తుంది. తెలంగాణ ఉద్యమం చేయడానికి కీలక పాత్రధారి, సూత్రధారి కోదండరామ్. అయితే అలాంటి కోదండరామ్ ఎవరో తనకు తెలియదు అంటున్నారు.. అలా అంటుంది ఎవరో కాదు కేసీఆర్. అవును నిజం.. సి.ఎం కేసీఆర్ కు కోదండరామ్ ఎవరో తెలియదంట.. ఆయన ఎవరు అని ప్రశ్నించారు. గతకొద్ది కాలంగా కోదండరామ్ కు, కేసీఅర్ ప్రభుత్వానికి మధ్య అంతగా పడట్లేదన్న సంగతి అందరికీ తెలిసిన నిజమే. మొన్నీ మధ్య మంత్రులంతా మూకుమ్మడిగా కోదండరామ్ పై మాటల దాడి చేశారు. అయితే ఇప్పుడు ఏకంగా.. సింగరేణి ఎన్నికల వేళ కోదండరామ్ ఎవరని ప్రశ్నించే స్థాయికి వెళ్లారు కేసీఆర్. దీంతో కేసీఆర్ పై పలువురు ఆగ్రహం వ్యక్తం చేస్తున్నారు. అధికారం శాశ్వతం కాదని కేసీఆర్ గుర్తుంచుకోవాలని.. లేకపోతే రాబోయే కాలంలో కేసీఆర్ ప్రజల చేతిలో తిప్పలు పడక తప్పదని అంటున్నారు. మరి దీని ప్రభావం ఎంత ఉంటుందో చూడాలంటే ఎన్నికల వరకూ ఆగాల్సిందే.
.jpg)
.webp)