సీఎం చంద్రబాబు పార్టీ నేతలకు క్లాస్ పీకారంట. ఏ విషయంలో అనుకుంటున్నారా.. నేతల్లో అహంకారం పెరుగుతోందని పెద్ద క్లాసే పీకారంట. అంతేకాదు దానికి ఒక ఉదాహరణ కూడా చెప్పారంట. రాష్ట్రం విడిపోవడం వల్ల కొంత మందికి నష్టం కలిగిందేమో కాని దాని వల్ల కొంతమంది నేతలకు మంచే జరిగింది. ఎందుకంటే నూతన రాజధాని పుణ్యమా అని అక్కడ భూములు ఉన్న వారికి రేట్లు బాగా పెరిగాయి. దీంతో నేతలకు అహంకారం బాగా పెరగిపోయిందట. ఈ నేపథ్యంలో సోమవారం తన క్యాంపు కార్యలయంలో చంద్రబాబుని కలవడానికి వచ్చిన కృష్ణా, గుంటూరు నేతలకు కొంతమంది పార్టీ నేతలకు అహంకారం పెరిగిపోతోంది.. అహంకారం పెరిగితే పార్టీకి తీరని నష్టం కలుగుతుందని అన్నారట. భూములు రేట్లు పెరుగుతున్నాయి కదా అని అహంకారం కూడా పెరిగితే మంచిది కాదని సూచించారట. అంతేకాదు నాకంటే కేసీఆర్ జూనియర్ అయినా రాజధాని శంకుస్థాపనకు ఇంటికెళ్లి ఆహ్వానించాను.. అహంకారం తగ్గితే వ్యక్తిగతంగా మీకూ మంచిదే'' అని చంద్రబాబు హితవు పలికారు.