TeluguOne Health
● # Tweets

Download the TeluguOne App

Choose your platform to continue

చంద్రబాబును ఆహ్వానించడానికి విజయవాడకి కేసీఆర్..?

Published on: Sat Dec 5, 2015 10:48AM

ఏపీ రాజధాని అమరావతి శంకుస్థాపన కార్యక్రమానికి ఏపీ సీఎం చంద్రబాబు, తెలంగాణ ముఖ్యమంత్రి కేసీఆర్ ను ఇంటికి వెళ్లి ఆహ్వానించి.. శంకుస్థాపన కార్యక్రమానికి వచ్చిన కేసీఆర్ కు అత్యంత గౌరవమర్యాదలు అందించి మరీ పంపించారు. ఇప్పుడు కేసీఆర్ కూడా అదే విధంగా చంద్రబాబుకు అతిథి మర్యాదలు చేయాలని చూస్తున్నట్టు తెలుస్తోంది. తాను నిర్వహిస్తున్న ఆయుత చండీయాగానికి చంద్రబాబును స్వయంగా పిలిచి మర్యాదలు అందించాలని చూస్తున్నారట. దీనిలో భాగంగానే రావుల చంద్రశేఖర్ రెడ్డి కుమారుడు పెళ్లికి వచ్చిన చంద్రబాబును కలిసి ఆహ్వానం అందించాలని కేసీఆర్ చూశారు కానీ అప్పుడు ఇద్దరికీ కుదురలేదు. అయితే ఇప్పుడు మళ్లీ ఆదివారం హైదరాబాద్ లో ఎన్టీఆర్ మునిమనమరాలి పెళ్లికి చంద్రబాబు వస్తారని..అప్పుడు ఆహ్వానం ఇవ్వాలని అనుకుంటున్నారని వినిపిస్తోంది. అంతేకాదు కేసీఆర్ నేరుగా విజయవాడ వెళ్లి చంద్రబాబును ఆహ్వానిస్తారు అని కూడా మాట్లాడుకుంటున్నారు. చంద్రబాబు అపాయింట్ మెంట్ తీసుకుని విజయవాడ వెళ్తానని కేసీఆర్ తన సన్నిహితుల వద్ద అన్నట్లు టీఆరెస్ వర్గాల్లో వినిపిస్తోంది. నిజంగా కేసీఆర్ విజయవాడ వెళ్లి చంద్రబాబును ఆహ్వానిస్తే అది రెండు రాష్ట్రాలకు శుభపరిణామమే.