క్రిస్మస్ పర్వదినాన్ని పురస్కరించుకుని క్రైస్తవులకు తెలుగుదేశం పార్టీ జాతీయ అధ్యక్షుడు, ఏపీ సీఎం చంద్రబాబు నాయుడు శుభాకాంక్షలు తెలిపారు. ఏసు క్రీస్తు పుట్టినరోజైన క్రిస్మస్‌ను ప్రపంచవ్యాప్తంగా వైభవంగా జరుపుకుంటారని, ప్రపంచానికి శాంతి సందేశాన్ని అందించిన గొప్ప మానవతావాది ఏసు ప్రభువని చంద్రబాబు అన్నారు. అలాగే నటుడు, ఎమ్మెల్యే నందమూరి బాలకృష్ణ క్రైస్తవులకు క్రిస్మస్ శుభాకాంక్షలు తెలిపారు. ఏసు ప్రభువు చూపిన ఉషస్సుతో ప్రతి ఒక్కరూ ప్రపంచ శాంతికి బాటలు వేయాలని అన్నారు. తెలుగుదేశం జాతీయ ప్రధాన కార్యదర్శి నారా లోకేష్ క్రైస్తవులకు క్రిస్మస్ శుభాకాంక్షలు తెలుపుతూ, శాంతి, అహింస, సేవాగుణం, సామరస్యం లాంటి మానవతా విలువలను శతాబ్దాల క్రితమే ప్రబోధించిన గొప్ప వ్యక్తి ఏసుక్రీస్తు అన్నారు.