జనాభా నియంత్రణలో భాగంగా ఇప్పటి వరకు చైనాలో ఒక జంట ఒక సంతానాన్ని మాత్రమే కనడానికి వీలుంది. దశాబ్దాలుగా ఈ విధానం అమలులో వుంది. ఈ నేపథ్యంలో చైనాలో జనాభాలో భారీ స్థాయిలో సమతుల్యత దెబ్బతింది. దీనితోపాటు ఇటీవలి కాలంలో తమకు మరో సంతానానికి జన్మనిచ్చేందుకు అనుమతి కావాలని చాలామంది ప్రభుత్వానికి వినతిపత్రాలు సమర్పించారు. దాంతో తమకు వినతిపత్రం సమర్పించిన 21,249 మంది జంటల్లో 19,363 జంటలో రెండో సంతానాన్ని కనడానికి అనుమతి ఇస్తూ చైనా ప్రభుత్వం ఉత్తర్వులు జారీ చేసింది. ఈ రకంగా అనుమతి లభించిన వారిలో 56 శాతం మంది మహిళలు 31 నుంచి 35 ఏళ్ల లోపు వారే కావడం విశేషం.