కేరళ ముఖ్యమంత్రి ఉమెన్ చాందీ రికార్డు పుస్తకాల్లోకి ఎక్కారు. కేరళను అత్యధిక కాలం పాటు పాలించిన సీఎంగా చాందీ ఘనత సాధించారు. సీఎంగా ఆయన ఇవాళ్టీకి 1,827 రోజులు పూర్తి చేసుకున్నారు. ఐదేళ్ల కాలంలో ఎక్కువ రోజులు సీఎంగా కొనసాగిన ఆయన రెండోసారి ముఖ్యమంత్రిగా బాధ్యతలు చేపట్టిన తర్వాత ఇంతకు ముందు సీఎంగా పనిచేసిన వీఎస్ అచ్యుతానందన్ రికార్డును అధిగమించారు. అచ్యుతానందన్ 1,822 రోజులు ముఖ్యమంత్రిగా పనిచేసి అత్యధిక కాలం కేరళను పాలించిన వ్యక్తిగా ఘనత సాధించారు. కేరళ అసెంబ్లీకి జరిగిన ఎన్నికల్లో మరో పర్యాయం సీఎంగా బాధ్యతలు చేపట్టాలనుకుంటున్న చాందీకి ఎగ్జిట్ పోల్స్ షాకిచ్చాయి. కేరళలో అధికార మార్పు తప్పదని సర్వేలు అంచనా వేశాయి.