అక్టోబరు 2 నుండి ఆంధ్రప్రదేశ్ రాష్ట్రానికి 24 గంటల విద్యుత్ సరఫరా చేస్తామని ముఖ్యమంత్రి నారా చంద్రబాబు నాయుడు అన్నారు. రాజస్థాన్, ఢిల్లీ, ఆంధ్రప్రదేశ్ రాష్ట్రాలకు ఇరవై నాలుగు గంటలు విద్యుత్ సరఫరా చేసే పథకానికి కేంద్ర ప్రభుత్వం ఆమోదం తెలిపిందని చెప్పారు. గత ప్రభుత్వాల ముందు చూపు లేని కారణంగా విద్యుత్ విషయంలో ఇబ్బందులు ఏర్పడ్డాయని, ప్రస్తుతం ఆంధ్రప్రదేశ్ కు విద్యుత్ ను పశ్చిమ బెంగాల్ నుండి తీసుకుంటున్నామని చంద్రబాబు నాయుడు అన్నారు. కేంద్ర బడ్జెట్ లో ఏపీ రెవెన్యూ లోటును ఇవ్వాల్సి ఉందని, రుణాలు మాఫీ చేసేందుకు అవసరం అయిన వనరులను సమకూర్చుకునేందుకు మార్గాలు వెతుకుతున్నామని బాబు అన్నారు. అప్పు తేవడానికి ఆర్ధిక యాజమాన్యం చట్టం అడ్డు వస్తుందని అన్నారు.