చంద్రబాబునాయుడుపై తనకు వ్యక్తిగతంగా ఎలాంటి ద్వేషం లేదని, కేవలం తనకు తెలిసిన విషయాలను, అప్పట్లో జరిగిన సంఘటనలను మాత్రమే పుస్తకంలో వివరించానని మాజీ మంత్రి చేగొండి హరిరామజోయ్య అన్నారు, పుస్తకంలో తాను రాసిన విషయాలన్నీ జరిగినవేనని, తాను వాస్తవమని నమ్మిన వాటిని మాత్రమే రాశానన్నారు, 1988లో రంగా హత్య జరిగితే... ఆనాడే ఎందుకు చెప్పలేదని కొందరు ప్రశ్నిస్తున్నారని, అయితే తాను శివరామరాజు చెప్పిన విషయాన్ని సీరియస్ గా తీసుకోలేదని, కానీ హత్య జరిగాక నమ్మానని చెప్పుకొచ్చారు, చంద్రబాబు అనుమతితోనే రంగా హత్య జరిగిందన్న విషయాన్ని ఆ తర్వాత చాలాసార్లు చెప్పానని, సీబీఐ తనను వివరాలు అడిగి ఉంటే వాళ్లకూ చెప్పేవాడినన్నారు, నా పుస్తకంలో ఒక్క చంద్రబాబు మీదే కాకుండా వైఎస్ రాజశేఖర్ రెడ్డి, జగన్ మీద రాశానని చేగొండి హరిరామజోయ్య గుర్తుచేశారు.