ప్రియమణి ప్రధాన పాత్రలో నటించిన తాజా చిత్రం "చండీ". ఈ చిత్రం ఈ శుక్రవారం ప్రేక్షకుల ముందుకు వచ్చింది. ఈ సందర్భంగా ఈ చిత్ర దర్శకుడు వి.సముద్ర మాట్లాడుతూ.. ఇది ఒక ప్రతీకారం తీర్చుకొనే యాక్షన్ చిత్రం. అయితే ఈ చిత్రం కోసం ముందుగా అనుష్కని అనుకున్నాము. కానీ ఆమెను ఇదివరకే "అరుంధతి"లో చేసిన నటనను చుసేసాము. కాబట్టి ఈ పాత్రకు ప్రియమణి అయితే బాగుంటుందని అనుకొని, ప్రియమణిని తీసుకోవడం జరిగింది. ఈ చిత్రంలో ప్రియమణి చాలా అధ్బుతమైన నటన కనబర్చింది. ఈ చిత్రం కోసం ప్రియమణి కత్తి యుద్ధం, అర్చెరీ లలో శిక్షణ తీసుకుంది. ఈ చిత్రంలో అవినితీ రాజకీయ నాయకులపై పోరాడే పాత్రలో ప్రియమణి నటించింది. అదే విధంగా నటులు కృష్ణంరాజు, శరత్ కుమార్ లు వారి వారి పాత్రలకు జీవం పోసారు. అని అన్నారు.