త్వరలో రియల్ వ్యాపార నియంత్రణ బిల్లు తీసుకువచ్చే ఆలోచన వుందని కేంద్ర పట్టణాభివృద్ధి శాఖ మంత్రి వెంకయ్య నాయుడు తెలిపారు. పార్లమెంటు శీతాకాల సమావేశాల్లో ఈ బిల్లును సభలో ప్రతిపాదించనున్నట్లు ఆయన చెప్పారు. స్థలాలను, ఇళ్ళను కొనుగోలు చేసేవారికి ప్రయోజనం చేకూర్చడమే ఈ బిల్లు ముఖ్యోద్దేశమని ఆయన తెలిపారు. పట్టణాల్లో అక్రమ కట్టడాలను నిరోధించి, పేదలకు ఇళ్ళ నిర్మాణం చేపట్టాలన్నది తమ ప్రభుత్వ లక్ష్యమని వెంకయ్య వివరించారు.