తెలంగాణ ప్రభుత్వంపై నిర్వహించిన సమగ్ర సర్వే మీద కేంద్ర ప్రభుత్వం తన దృష్టిని కేంద్రీకరించిందని ప్రముఖ వార్తాసంస్థ పీటీఐ ఓ కథనాన్ని వెల్లడించింది. తెలంగాణ రాష్ట్రంలోని కుటుంబాల వివరాల జాబితాను కేంద్రం అడిగి తెలుసుకునే అవకాశం ఉందని పీటీఐ తన కథనంలో పేర్కొంది. తెలంగాణ సమగ్ర సర్వే అంశంలో అవసరమైతే కేంద్ర మంత్రిత్వ శాఖ కూడా జోక్యం చేసుకోబోతున్నట్టు ఆ కథనంలో పీటీఐ వెల్లడించింది. సీమాంధ్ర ప్రజల్లో సమగ్ర సర్వే అనేక సందేహాలను రేకేత్తిస్తున్న నేపథ్యంలో అవసరమైతే జోక్యం చేసుకుంటామని కేంద్ర హోంశాఖ అధికారులు తెలిపినట్టు పీటీఐ వెల్లడించింది. తెలంగాణ ప్రభుత్వం ఎలాంటి టెన్షన్ సృష్టించే అవకాశం లేదని కేంద్ర ఆధికారులు ఆశాభావం వ్యక్తం చేసినట్టు తెలుస్తోంది.