కేంద్ర బడ్జెట్లో ఆంధ్రప్రదేశ్ రాష్ట్రానికి ఐఐటీ, ఎయిమ్స్, వ్యవసాయ విశ్వవిద్యాలయం మంజూరుచేయడం పట్ల ఆంధ్రప్రదేశ్‌లో సంతోషం వ్యక్తమవుతోంది. ముందు ముందు దశలవారీగా విశాఖపట్నంలో గిరిజన, పెట్రో కెమికల్ విశ్వవిద్యాలయం, ట్రిపుల్ ఐటీ, ఐఐఎం, గుంటూరు-విజయవాడ మధ్య ప్రాంతంలో ఎన్‌ఐటీ (ఇండియన్ ఇన్‌స్టిట్యూట్ ఆఫ్ టెక్నాలజీ), ఎన్‌ఐడీ (జాతీయ విపత్తు నివారణ సంస్థ), తిరుపతిలో ఐఐటీ (ఇండియన్ ఇన్‌స్టిట్యూట్ ఆఫ్ టెక్నాలజీ), సెంట్రల్ యూనివర్సిటీ, ఐఐఎస్‌ఈఆర్ (ఇండియన్ ఇన్‌స్టిట్యూట్ ఆఫ్ సైన్స్ అండ్ రీసెర్చ్)లను ఏర్పాటు చేస్తే బాగుంటుందని ఆంధ్రప్రదేశ్ ప్రజలు భావిస్తున్నారు. కేంద్రం త్వరలో ఈ దిశగా చర్యలు తీసుకుంటుందని ఆశిస్తున్నారు.