బాలీవుడ్ మసాలా తార మల్లికా షెరావత్ మీద కోర్టులో కేసు నమోదైంది. మల్లికా షెరావత్ తాజాగా నటించిన ‘డర్టీ పాలిటిక్స్’ సినిమా త్వరలో విడుదల కాబోతోంది. ఈ సినిమా కోసం మల్లికా షెరావత్ జాతీయ పతాకాన్ని ఒంటికి చుట్టుకుని సెక్సీ పోజులు ఇవ్వడం వివాదాస్పదమైంది. ఈ సినిమా విడుదలకు సన్నాహాలు జరుగుతున్న నేపథ్యంలో మల్లికా షెరావత్ మీద కేసు నమోదైంది. భారత జాతీయ పతాకాన్ని అవమానించిన మల్లికా షెరావత్‌ మీద తగిన చర్యలు తీసుకునేలా ఆదేశాలు జారీ చేయాలని కోరుతూ హైదరాబాద్ హై కోర్టులో ప్రజా ప్రయోజన వ్యాజ్యం దాఖలైంది. జాతీయ పతాకాన్ని ఒంటికి చుట్టుకోవడం అంటే జాతీయ పతాకాన్ని అవమానించడమేనని, ఈ విషయంలో మల్లికా షెరావత్ మీద తగిన చర్యలు తీసుకోవాలని కోరుతూ పిల్ వేశారు. హైదరాబాద్‌కి చెందిన ఒక సామాజిక కార్యకర్త ఈ కేసును దాఖలు చేశారు.