ఈయన అందులో దొంగనట...!
Published on: Mon Nov 11, 2013 9:13AM
హిందీలో తెరకెక్కుతున్న "వెల్కం బ్యాక్" చిత్రంలో తెలుగు హాస్యనటుడు బ్రహ్మానందం నటించబోతున్నాడని గతకొన్ని రోజులుగా వార్తలు వస్తున్నాయి. అయితే ఈ వార్తలపై బ్రహ్మానందం మాట్లాడుతూ..."వెల్కం బ్యాక్" చిత్రంలో ఓ ఇంట్రస్టింగ్ పాత్ర కోసం దర్శకుడు అనీస్ బాజ్మీ తనను కోరాడని బ్రహ్మానందం తెలిపాడు. ఈ చిత్రంలో తను దొంగ పాత్రలో నటిస్తున్నట్టు తెలిపాడు. ఇప్పటికే తెలుగు సినిమాల్లో చాలా బిజీగా వున్న తనకు, బాలీవుడ్లో చేయాలనే అనే ఆలోచన లేకపోయినప్పటికీ కూడా... దర్శకుడు అనీస్ తనకు నచ్చజెప్పి ఒప్పించాడు. త్వరలోనే ముంబై, దుబాయ్లలో జరిగే షూటింగ్లలో పాల్గొంటాను. నా సీన్స్ ఎక్కువగా అనిల్ కపూర్, నానా పటేకర్లతో ఉంటాయి అని బ్రహ్మానందం చెప్పాడు.
