పిసిసి అధ్యక్షుడు, రాష్ట్ర రవాణా శాఖ మంత్రి బొత్స సత్యనారాయణ తన మంత్రి పదవికి రాజీనామా చేస్తారని ఉహాగానాలు వినిపిస్తున్నాయి. బొత్స సత్యనారాయణతో మరో నలుగురు మంత్రులు పదవులకు రాజీనామా చేయాలని నిర్ణయించుకున్నట్లు తెలుస్తోంది. తెలంగాణ నోట్ వచ్చే లోగా తాను రాజీనామా చేయడం బెటర్ అని ఆయన భావిస్తున్నట్లు చెబుతున్నారు. మొదట ప్రత్యేకవాదిగా ముద్ర వేసుకున్న బొత్స సమైక్య వినతిపత్రంపై సంతకం చేశారు. తాను రాజీనామా చేయబోతున్న విషయాన్ని బొత్స గవర్నర్‌కు చెప్పినట్లు సమాచారం. బొత్స శుక్రవారం గవర్నర్‌ను కలవడంతో మంత్రి పదవికి రాజీనామా చేస్తున్నట్లు వదంతులు వ్యాపించాయి.