బోనాల పండుగ సందర్భంగా లాల్ దర్వాజ మహంకాళి దేవాలయంలో అమ్మవారికి తెలంగాణ తొలి ముఖ్యమంత్రి బంగారు బోనం సమర్పించారు. అన౦తరం మాట్లాడుతూ.. తెలంగాణ ఉద్యమం జరుగుతున్నపుడు తాను ఇక్కడకు వచ్చి అమ్మవారిని దర్శించుకుని తెలంగాణ రాష్ట్రంలో బోనం సమర్పించుకుంటానని మొక్కుకున్నానని తెలిపారు. అమ్మవారి దయతోనే తెలంగాణ నూతన రాష్ట్రం ఏర్పడిందని అన్నారు. బోనాల పండుగను రాష్ట్రపండుగగా గుర్తించామని చెప్పారు. లాల్ దర్వాజ్ అమ్మవారి ఆలయాన్ని అద్బుతంగా రూపుదిద్దుతామని వెల్లడించారు. అమ్మవారి దర్శనానికి సీఎం వెంట హోం మంత్రి నాయిని నర్సింహరెడ్డి, డిప్యూటీ సీఎం మహ్మద్ ఆలీ వచ్చారు.