బీహార్ రైల్లో బాబోయ్ బాంబులు!
Published on: Mon Jun 30, 2014 4:21PM
.jpg)
బీహార్లో ఒక ప్రయాణికుల రైలులో భారీ బాంబులు దొరికాయి. వెస్ట్ బెంగాల్ వైపు వెళ్తున్న ఒక ట్రైన్ బీహార్లోని కిషన్గంజ్ రైల్వే స్టేషన్లో ఆగినప్పుడు జరిపిన సోదాల్లో ఎనిమిది శక్తివంతమైన బాంబులు రైల్లో దొరికాయి. కొంతమంది క్రిమినల్స్ ఈ రైలులో బాంబులతో ప్రయాణిస్తున్నారన్న సమాచారం అందుకున్న రైల్వే పోలీస్ ఫోర్స్ తనిఖీలు జరిపడంతో జనరల్ కంపార్ట్మెంట్లో ఈ బాంబులు దొరికాయి. జనరల్ కంపార్ట్మెంట్లో ఒక సీటు కింద ఒక పాలథిన్ సంచిలో ఈ బాంబులు పెట్టి వున్నాయి. ఈ కేసుకు సంబంధించి ఇంతవరకూ ఎవరినీ అరెస్టు చేయలేదు. తీవ్రవాద కార్యకలాపాల కోసమే ఈ బాంబులను తీసుకెళ్తున్నారని పోలీసులు అనుమానిస్తున్నారు.


