బాలీవుడ్ కథానాయిక ప్రియాంక చోప్రా ఇంట్లో నడుస్తున్న సెక్స్ రాకెట్‌ని ముంబై పోలీసులు రట్టు చేశారు. ఆ ఇంటి మీద దాడి చేసిన పోలీసులు ఆ ఇంట్లో వ్యభిచార కార్యకలాపాలు నడుపుతున్న ముగ్గురు మహిళలను అదుపులోకి తీసుకున్నారు. ముంబైలోని అంధేరిలో ప్రియాంకా చోప్రాకి ఒక ఇల్లు వుంది. ఆ ఇంటిని ప్రియాంక చోప్రా ఒక బ్యూటీపార్లర్ కమ్ స్పా నడిపే మహిళలకు అద్దెకు ఇచ్చింది. వాళ్ళు ప్రియాంకా చోప్రాకి చెప్పింది ఒక ప్రొఫెషన్.. ఆ ఇంట్లో నడుపుతోంది మరో ప్రొఫెషన్. ఈ ఇంట్లో జరుగుతున్న వ్యవహారం మీద సందేహం వచ్చిన పోలీసులు కాపుకాచి గురువారం నాడు ఈ ఇంట్లో వ్యభిచార కార్యకలాపాలను నిర్వహిస్తున్నవారిని రెడ్ హ్యాండెడ్‌గా పట్టుకున్నారు. అయితే ప్రియాంక చోప్రా ఇంటిని వ్యభిచార గృహంగా మార్చిన సదరు గృహం నిర్వాహకురాలు మాత్రం పరారీలో వుంది. ఈ సెక్స్ రాకెట్ పుణ్యమా అని ఏ పాపం ఎరుగని ప్రియాంకా చోప్రా పేరు బద్నాం అయింది.