భారతీయ జనతా పార్టీ కాంగ్రెస్ ప్రభుత్వం పైన కాకుండా స్పీకర్ మీరా కుమార్ పైన అవిశ్వాస తీర్మానం పెట్టాలని నిర్ణయించడం ఆసక్తికరంగా ఉంది. సొంత పార్టీ ఎంపీలే కాంగ్రెస్ ప్రభుత్వంపై అవిశ్వాసం నోటీసు ఇచ్చిన నేపధ్యంలో భారతీయ జనతా పార్టీ ఏమి చేస్తుందన్న చర్చ మొదలైంది. కాని కేంద్ర ప్రభుత్వంపై కాకుండా,స్పీకర్ పై అవిశ్వాస తీర్మానం పెట్టాలని బిజెపి నిర్ణయించడం విశేషం. బిజెపి పార్లమెంటరీ పార్టీ సమావేశం ముగిసిన అనంతరం 2జీ కేసులో జేపిసీ నివేదికపై, స్పీకర్ పై అవిశ్వాస తీర్మానం పెట్టాలని నిర్ణయించింది. తెలంగాణపై తప్ప ఏ అంశంపై అవిశ్వాసం ఇచ్చినా మద్దతు ఇవ్వాలని ఆ పార్టీ నిర్ణయించినట్లు చెబుతున్నారు.