రాహుల్ తీరుతో బీజేపీ హ్యాపీ

తన తీరుతో, మాట తీరుతో రోజు రోజుకూ దేశ ప్రజల్లో గౌరవం పోగొట్టుకుంటున్న కాంగ్రెస్ పార్టీ ఉపాధ్యక్షుడు రాహుల్‌గాంధీని చూసి బీజేపీ వర్గాలు లోపల లోపల హ్యాపీగా ఫీలవుతున్నాయి. రాబోయే ఎన్నికలలో బీజేపీ ప్రధాని అభ్యర్థి నరేంద్రమోడీకి పోటీదారుడు అవుతాడని భావిస్తున్న రాహుల్‌గాంధీ క్రమక్రమంగా తన ఇమేజ్‌ని తానే డ్యామేజ్ చేసుకుంటూ, మరోవైపు తన పార్టీ ఇమేజ్‌ని కూడా డ్యామేజ్ చేస్తున్నాడు. ఇది నరేంద్రమోడీకి, భారతీయ జనతాపార్టీకి ఎంతో లాభించే అశం. కాగలకార్యం గంధర్వులే తీర్చుతారన్నట్టు రాహుల్‌గాంధీ తన కంట్లో తానే వేలు పెట్టి పొడుచుకుంటూ ఉండటం పరిస్థితులను బీజేపీకి అనుకూలంగా మార్చుతున్నాయి. రాహుల్‌గాంధీ ప్రధాని అభ్యర్థిత్వమే భవిష్యత్తులో కాంగ్రెస్ పార్టీని ఓడించే బ్రహ్మాస్త్రమని రాజకీయ పరిశీలకులు అంటున్నారు. ఇప్పటికే జనాల్లో నరేంద్రమోడీ ఎక్కడ, రాహుల్ గాంధీ ఎక్కడ అనే కంపారిజన్ మొదలైంది. రాహుల్‌గాంధీ ప్రస్తుత వ్యవహార శైలి, ధోరణి ఇలాగే కొనసాగితే రాబోయే ఎన్నికలలో కాంగ్రెస్ పార్టీ కేంద్రంలో అధికారాన్ని నరేంద్రమోడీకి, బీజేపీకి బంగారు పళ్ళెంలో పెట్టి అప్పగించడం ఖాయమని రాజకీయ విశ్లేషకులు భావిస్తున్నారు. బీజేపీ పైపైకి రాహుల్‌గాంధీ వ్యాఖ్యల్ని ఖండిస్తున్నప్పటికీ, అబ్బాయిగారి వ్యవహార శైలి ఇలాగే కంటిన్యూ అవ్వాలని కోరుకుంటోంది.