మధ్యప్రదేశ్ రాష్ట్రంలో భారీ వర్షాలు కురుస్తుండటంతో నదులు, వాగులు మహా ఉద్ధృతంగా ప్రవహిస్తున్నాయి. బేతుల్ పట్టణం సమీపంలో చిన్న చప్టా రోడ్డు మీద నుంచి ప్రవహిస్తున్న వాగు రోడ్డుకు కోత వేసేసింది. రోడ్డు కొద్దిగానే మిగిలింది. అయితే ఒక యువకుడు ఆ రోడ్డు మీద నుంచి ప్రవాహం మధ్యలోంచి బైక్‌ని నడిపించాలని ప్రయత్నించాడు. తటపటాయిస్తూనే బైక్‌ని ముందుకు నడిపించాడు. అయితే అనుకోకుండా వాగును దాటడంలో అజాగ్రత్తగా వ్యవహరించడంతో ఆ యువకుడు బైక్‌తో సహా ప్రవాహంలో కొట్టుకుపోయాడు. ప్రవాహం మహా భయంకరంగా వుందని, ఆ ప్రవాహంలో కొట్టుకుపోయిన యువకుడు ఇక బతికే అవకాశం లేదని స్థానికులు అంటున్నారు.