ఈసారి స్వాతంత్ర దినోత్సవ వేడుకలలో మోడీ ప్రభుత్వం దేశంలో అత్యునత పురస్కారం అయిన భారతరత్న అవార్డును నేతాజీ సుబాష్ చంద్ర బోస్ మరియు మాజీ ప్రధాని అటల్ బీహారి వాజ్ పేయిలకు ఇవ్వబోతున్నట్లు వార్తలు వస్తున్నాయి. ఒక ఏడాదిలో ముగ్గురుకి మించకుండా ఈ అత్యున్నత పురస్కారం ఈయవచ్చును గనుక ప్రముఖ క్రీడాకారుడు స్వర్గీయ ధ్యాన్ చంద్ లేదా ప్రముఖ స్వాతంత్ర పోరాట యోధుడు స్వర్గీయ మదన మోహన్ మాల్వీయలలో ఎవరో ఒకరికి ఈ అవార్డు ఇచ్చే అవకాశం ఉన్నట్లు సమాచారం. బహుజన్ సమాజ్ పార్టీ వ్యవస్థాపకుడు కాన్షీరామ్ పేరుకూడా వినిపిస్తోంది. బహుశః ఆగస్ట్ 15లోగానే మోడీ ప్రభుత్వం ఎవరెవరికి ఈ అత్యున్నత పురస్కారాలు ఈయబోతోందనే సంగతి తెలియవచ్చును.