భారత అత్యున్నత పౌరపురస్కారం భారతరత్న అవార్డుకు హాకీ దిగ్గజం ధ్యాన్చంద్ పేరును కేంద్ర హోం శాఖ సిఫారసు చేసింది. కేంద్ర హోం శాఖ సహాయ మంత్రి కీరెన్ రిజ్జు ఈ విషయాన్ని లోక్సభలో తెలిపారు. వివిధ వర్గాల నుంచి వచ్చిన విజ్ఞప్తులనుపరిశీలించిన అనంతరం భారతరత్న అవార్డుకు ధ్యాన్చంద్ పేరును సిఫారసు చేస్తూ ప్రధాని కార్యాలయానికి ప్రతిపాదన పంపినట్టు చెప్పారు. అయితే ఈ విషయంపై చర్చకు కేంద్ర హోం శాఖ మంత్రి రాజ్నాథ్ సింగ్, పార్లమెంటరీ వ్యవహారాల మంత్రి వెంకయ్య నాయుడు, ప్రధాని కార్యాలయం సహాయం మంత్రి జితేందర్ సింగ్ తిరస్కరిచారు. ధ్యాన్చంద్ 1905లో జన్మించారు. ధ్యాన్చంద్ ప్రాతినిధ్యం వహించిన కాలంలో 1928-1936 మధ్య భారత హాకీ జట్టు ఒలింపిక్స్లో స్వర్ణ పతకాలు సాధించింది. 1948లో రిటైరయిన ధ్యాన్చంద్ పద్మభూషణ్ సహా పలు అవార్డులు స్వీకరించారు. ధ్యాన్చంద్ 1979లో కన్నుమూశారు. గతంలో ధ్యాన్‌చంద్‌కి దక్కాల్సిన భారతరత్న అవార్డును సచిన్ టెండూల్కర్‌కి మళ్ళించారన్న విమర్శలు వినిపించాయి.