అందాల అంజలి అదరహో...

మొన్నామధ్య హీరోయిన్ అంజలి మీద లేనిపోని ఆరోపణలు వచ్చాయి. ఆమె పబ్బులో తప్పతాగిందని, నానా యాగీ చేసిందని గాసిప్స్ వచ్చాయి. అయితే పాపం అంజలిని చూస్తే మాత్రం అలా అనిపించదు.. కనిపించదు. ముద్దొచ్చే అమాయకమైన ముఖంతో ఇట్టే ఆకట్టుకునేలా అంజలి వుంటుంది. తనమీద వచ్చిన ఆరోపణలను అంజలి మర్నాడు ఖండించింది కూడా. తాను ఫొటోగ్రాఫర్లకు పోజులు ఇవ్వకపోయేసరికి వాళ్లు ఈ రూమర్ పుట్టించారని అని వివరణ ఇచ్చింది. ఆమధ్య తన కుటుంబంతో కొన్ని వివాదాలు ఏర్పడినా, ఓ డైరెక్టర్‌తో గొడవైనా అంజలి క్రుంగిపోకుండా నిబ్బరంగా నిలబడింది. కొద్ది నెలల క్రితం లావుగా ముద్దపప్పులా తయారైన అంజలి తన ఫిజిక్‌కి కూడా ఈమధ్య కాలంలో అదుపులో పెట్టేసింది. శుక్రవారం నాడు బాపట్లలో రయితత కోన వెంకట్‌కి చెందిన ఒక హోటల్ ప్రారంభోత్సవానికి అంజలి వెళ్ళింది. అక్కడ అంజలిని చూస్తే అదరహో అనిపించేలా వుంది. హీరోయిన్‌గా ఇంకో పదేళ్ళ కెరీరైనా అంజలి అకౌంట్లో వుందనిపించేలా అంజలి వుందని అక్కడున్నవారు అనుకున్నారట.