రవితేజ 'బలుపు' లో బాలయ్య పైన సెటైర్లు వేశారా! అవుననే..వార్తలు వినిపిస్తున్నాయి. బలుపులో హీరోయిన్ తో క్లోజ్ గా మూవ్ అయ్యేందుకు గిటారిస్టుగా అవతారమెత్తిన హీరో..ఆ వేషాన్ని మేనేజ్ చేసుకోలేక ఓ సారి చిక్కుల్లో పడతాడు. ఈ సినిమాలో డాక్టర్ పాత్ర పోషించిన అంజలి తన పేషంట్లని మ్యూజిక్ తో మోటివేట్ చేయమని అడుగుతుంది. అప్పుడు అసంధర్బం నుంచి బయటపడటానికి ఏం చేయాలో అర్థం కాక రవితేజ నోటికొచ్చినట్లు మాట్లాడుతాడు. అయితే బాలకృష్ణ వాయిస్ ని అనుకరిస్తూ రవి ఆ డైలాగ్ చెప్పారట. దీంతో కావాలనే బాలయ్య ను ఉద్దేశించి ఆ సీన్లు పెట్టించారని అభిమానులు అంటున్నారు. దీనిపై మున్ముందు ఎలాంటి కామెంట్స్ వస్తాయో చూడాలి.