బాలాపూర్ లడ్డూ ఖరీదు 9.50 లక్షలు

 

ఈ సంవత్సరం జరిగిన వేలంపాటలో బాలాపూర్ వినాయకుడి లడ్డూ తొమ్మిదిన్నర లక్షల రూపాయలకు అమ్ముడయింది. సింగిరెడ్డి జైహింద్ రెడ్డి అనే భక్తుడు లడ్డును వేలంపాటలో దక్కించుకున్నాడు. బాలాపూర్ గణేష్ లడ్డూ వేలంపాట ఆ గ్రామ ఖ్యాతిని అంతర్జాతీయ స్థాయికి తీసుకెళ్లింది. హైదరాబాదులోని ఖైరతాబాద్ వినాయకుడికి ఎంత పేరు ప్రఖ్యాతులు ఉన్నాయో బాలాపూర్ లడ్డూ వేలంపాటకు కూడా అంతే ప్రాముఖ్యత ఉంది. తొలిసారి 1994లో బాలాపూర్ లడ్డూను వేలం వేయడం ప్రారంభించారు. ఆ ఏడాది కేవలం రూ. 450కి లడ్డూ అమ్ముడుపోయింది. గత ఏడాది హైదరాబాద్ మాజీ మేయర్ తీగల కృష్ణారెడ్డి రూ. 9.26 లక్షలకు లడ్డూను వేలంపాటలో సొంతం చేసుకున్నారు. ఈ ఏడాది లడ్డు విలువ తొమ్మిదిన్నర లక్షలకు చేరుకుంది.