బాలకృష్ణ హీరోగా ప్రముఖ దర్శకుడు బోయపాటి శ్రీనివాస్ దర్శకత్వంలో ఓ చిత్రం తెరకెక్కుతున్న విషయం అందరికి తెలిసిందే. ఈ చిత్రానికి "లెజెండ్" అనే టైటిల్ ఖరారు చేసారు. అయితే ఈ చిత్రంలో హీరోయిన్ గా ఇప్పటికే సోనాల్ చౌహాన్ ను ఎంపిక కాగా, మరో హీరోయిన్ గా రాధికా ఆప్టే ను ఎంపిక చేసారు. "రక్తచరిత్ర", "ధోని" వంటి చిత్రాలలో నటించి మంచి నటిగా పేరు తెచ్చుకున్న ఈ అమ్మడు త్వరలోనే "లెజెండ్" చిత్ర షూటింగ్ లో పాల్గొననుంది. ఈ చిత్రానికి దేవీశ్రీప్రసాద్ సంగీతం సమకూరుస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురావడానికి ప్రయత్నాలు చేస్తున్నారు.