బాలకృష్ణకి మంత్రి పదవి చేదా?

నందమూరి బాలకృష్ణ మంత్రి పదవిని స్వీకరించాలని ఆయన అభిమానులు కోరుకుంటున్నారు. హిందూపురం నుంచి ఎమ్మెల్యేగా ఎన్నికైన బాలకృష్ణ అసెంబ్లీకి ఎన్నికైన తొలి ప్రయత్నంలోనే మంత్రి కూడా అవ్వాలని అభిమానులు కోరుకుంటున్నారు. అయితే బాలక‌ృష్ణ మంత్రివర్గంలో చేరదలుచుకోవడం లేదన్న వార్తలు వస్తున్నాయి. ఎవరైనా మంత్రిపదవి కావాలని అనుకుంటారు. ఆయన మంత్రి పదవి వద్దంటున్నారంటే ఆయనకి మంత్రి పదవి చేదా అనే అనుమానాలు అభిమానులు వ్యక్తం చేస్తున్నారు. రెండు రోజుల క్రితం బాలక‌‌ృష్ణ మాట్లాడుతూ, తనకు మంత్రి పదవి అనేది పార్టీ ఇష్టం ప్రకారమే జరుగుతుందని వ్యాఖ్యానించారు.అంతకుముందు కూడా పార్టీ ఏ బాధ్యత అప్పగించినా తీసుకుంటానని అన్నట్లు కూడా వార్తలు వచ్చాయి. బాలకృష్ణ మంత్రి పదవిని ఆశిస్తున్నట్టు ఎప్పుడూ చెప్పిన దాఖాలు లేవు. అయితే టీడీపీ వర్గాలు మాత్రం బాలకృష్ణ ఇప్పుడు మంత్రి పదవి వద్దంటున్నారని ప్రచారం చేస్తున్నారు. తన తాజా సినిమా ‘లెజెండ్’ హిట్ అవడం వల్ల కూడా ఆయన మరికొంత కాలం సినీ జీవితం కొనసాగించాలని కోరుకుంటున్నారని అందువల్లే మంత్రి పదవి కోరుకోవడం లేదని పార్టీ వర్గాలు ప్రచారం చేస్తున్నాయి. అయితే ఏ విషయం 8వ తారీఖుకి తేలుతుంది.