రాజమౌళి దర్శకత్వంలో ప్రభాస్ నటిస్తున్న భారీ చిత్రం ‘బాహుబలి’ సెట్స్ మీద వుంది. అత్యంత భారీ వ్యయంతో రూపొందుతున్న ఈ సినిమా మీద భారీ అంచనాలు, ఎదురుచూపులు వున్నాయి. ‘బాహుబలి’ అనేది ఒక పేరు కావొచ్చు.. నిజానికి ఆ మాటకు అర్థం బలమైన చేతులున్నవాడు అని. సినిమాలో ప్రభాస్‌కి బలమైన చేతులున్నాయేమోగానీ, నిజ జీవితంలో మాత్రం కాస్తంత బలహీనమయ్యాయి. కండలు తిరిగిన చేతులున్న ప్రభాస్‌ ఒక భుజానికి ఆమధ్య ‘బాహుబలి’ షూటింగ్ సమయంలోనే గాయమైంది. ఆ విషయం అప్పట్లో మీడియాకి లీక్ అయినప్పటికీ యూనిట్ దాన్ని కొట్టిపారేశారు. తాజాగా సోషల్ మీడియాలో ప్రభాస్ తన భుజానికి శస్త్రచికిత్స చెప్పాడు. దాని ప్రకారం ప్రభాస్‌కు బాహుబలి షూటింగ్‌లో భుజానికి గాయలయ్యాయట. అయితే ఆ సమయంలో భుజానికి శస్త్ర చికిత్స చేయించుకోక పోవడంతో గాయాలు తిరగ బెట్టాయట ఇక లాభం లేదని ప్రభాస్ వెంటనే ఆపరేషన్ చేయించుకున్నాడు. నిజానికి ఈ ఆపరేషన్ చాలా రోజుల క్రితం జరగాల్సింది. కానీ నేనే ఆలస్యం చేస్తూ వచ్చాను. ప్రస్తుతం అంతా బాగానే వుంది. మరో నెల రోజుల్లో 'బాహుబలి' షూటింగ్‌లో పాల్గొంటాను. నా ఆరోగ్య విషయంలో ఎవరూ కంగారుపడాల్సిన అవసరం లేదని ప్రభాస్ తెలిపాడు.