హైదరాబాద్‌లోని అబ్దుల్లాపూర్‌మెట్‌లో ఒక తండ్రి తన ముగ్గురు పిల్లలతో కలసి ఆత్మహత్యాయత్నం చేశాడు. తన కారుతో చెరువులోకి దూసుకెళ్ళాడు. స్థానికంగా వున్నవాళ్ళు సకాలంలో స్పందించి వీళ్ళని కాపాడారు. బీఎన్ రెడ్డి నగర్‌కి చెందిన అశోక్ కాంట్రాక్టర్‌గా పనిచేస్తున్నాడు. బుధవారం తన పిల్లలు మార్నింగ్ వాక్ కోసం అన్నట్టుగా తీసుకొచ్చాడు. అబ్దుల్లాపూర్‌మెట్ దగ్గర వున్న ఇనాంగూడ చెరువులోకి కారుతో సహా దూసుకెళ్ళాడు. దాంతో కారు నీళ్ళలో మునిగిపోయింది. ఇది గమనించిన స్థానికుడు తాళ్ళ సాయంతో కారుని బయటకి లాగారు. కారులో వున్న నలుగురినీ కాపాడారు. అశోక్ ఆత్మహత్యకు ప్రయత్నించడానికి ఆర్థిక ఇబ్బందులే కారణమని తెలుస్తోంది.