ఈమధ్య విడుదలై సూపర్ హిట్ అయిన హిందీ చిత్రం ‘ఆషికి-2’లో సూపర్ హిట్ అయిన పాట ‘సున్ రహాహైనా’ను పాడిన గామయకుడు అంకిత్ తివారీని ఢిల్లీ పోలీసులు రేప్ కేసులో అరెస్టు చేశారు. అంకిత్ స్నేహితురాలు, మేనేజ్‌మెంట్ ప్రొఫెషనల్ అయిన యువతి తనను అంకిత్ రేప్ చేశాడంటూ పోలీసులకు ఫిర్యాదు చేసింది. తనను రేప్ చేసిన తర్వాత పెళ్ళి చేసుకుంటానని అంకిత్ ప్రామిస్ చేశాడని, ఆ తర్వాత తనను శారీరకంగా, మానసికంగా వేధిస్తున్నాడని ఆమె తన ఫిర్యాదులో పేర్కొంది. ఈ కేసులో అంకిత్ సోదరుడిని కూడా పోలీసులు అరెస్టు చేశారు. మానభంగానికి గురైనట్టు చెబుతున్న యువతి సినిమా పరిశ్రమకు చెందిన వ్యక్తి కాదు. ఆమె తన సోదరితో కలసి నివసిస్తోంది. అంకిత్ తివారీతో స్నేహం కుదిరిన ఆమె అనేకసార్లు అంకిత్ ఇంటికి వచ్చి వెళ్ళిందని తెలుస్తోంది.