ఢిల్లీ ముఖ్యమంత్రి కేజ్రీవాల్ ఢిల్లీలోని కాలుష్యాన్ని నివారించడానికి గాను ఓ కొత్త పద్దతికి శ్రీకారం చుట్టిన సంగతి తెలిసిందే. ఢిల్లీలో వాయు కాలుష్యం రోజురోజుకి ఎక్కువైపోతోందని దీని కారణం డీజిల్ వాహనాలే కారణమని ప్రభుత్వం గుర్తించి దానిని తగ్గించే దిశలో సరి-బేసి విధానాన్ని ప్రవేశపట్టింది. అంతేకాదు ఈ విధానాన్ని అందరూ ఖచ్చితంగా పాటించి తీరాలని.. అలా కాకుండా ఈ పద్దతిని అతిక్రమిస్తే వారికి రెండు వేల రూపాయలు జరిమానా విధిస్తామని ఢిల్లీ సర్కార్ ప్రకటించింది. అయితే ఈ విధానంలో కొన్ని మార్పులు చేయాలని ఢిల్లీ ప్రభుత్వ చూస్తున్నట్టు తెలుస్తోంది. నలుగురు ప్రయాణికులు కలిగిన కార్లు మహిళా డ్రైవర్లు మహిళా ప్రయాణికులు గల కార్లకు వీటి నుంచి మినహాయింపు నివ్వాలని ఆలోచిస్తోంది. అంతేకాదు ఈ విధానం వల్ల ఉద్యోగులకు ఎలాంటి ఇబ్బందులు కలగకుండా ఉండేందుకు ప్రత్యామ్నాయ ఏర్పాట్లు కూడా చేస్తున్నారు. మొత్తానికి జనవరి 1 నుండి అమలయ్యే ఈ విధానం ఎంత వరకూ సక్సెస్ అవుతుందో చూడాలి.