డీడీసిఏ వ్యవహారంలో కేంద్ర ఆర్థిక మంత్రి అరుణ్ జైట్లీపై ఢిల్లీ ముఖ్యమంత్రి కేజ్రీవాల్ ఆరోపణలు చేస్తున్న సంగతి తెలిసిందే. ఈ నేపథ్యంలో కేజ్రీవాల్ అరుణ్ జైట్లీపై విమర్శలు చేస్తూనే ఉన్నారు. అయితే ప్రస్తుత పరిస్థితి చూసి కేజ్రీవాల్ కాస్త వెనక్కి తగ్గినట్టు తెలుస్తోంది. అదేంటంటే.. ఢిల్లీ డిస్ట్రిక్ట్ క్రికెట్ అసోసియేషన్ వ్యవహారంలో అరుణ్ జైట్లీకి క్రీడారంగ ప్రముఖుల నుంచి మద్దతు దొరకడమే. కేజ్రీవాల్ అరుణ్ జైట్లీ పై చేస్తున్న విమర్శలకు గాను గంగూలీ స్పందిస్తూ రాజకీయ నాయకుడు ఎన్నికల ద్వారా ప్రజల చేత ఎన్నుకోబడతారనీ అందుకే వారి అధికారాలను ఎవరూ ప్రశ్నించజాలరని అన్నారు. గుంగూలీ తో పాటు ఇంకా అరణ్ జైట్లీకి వీరేంద్ర సెహ్వాగ్, గౌతం గంభీర్, విరాట్ కోహ్లీల మద్దతు కూడా లభించింది. అంతేకాదు ఈ వ్యవహారంపై కేంద్ర మంత్రి రాజ్యవర్థన్ సింగ్ రాథోడ్ మాట్లాడుతూ డీడీసీఏ నిధుల దుర్వినియోగం వ్యవహారంపై ఇంతకుముందే విచారణ జరిగిందని.. దీనిలో ఎటువంటి అక్రమాలు జరగలేదని విచారణలో తేలిందని చెప్పారు. అవినీతిపరుడైన అధికారిని దగ్గర పెట్టుకుని అవినీతిరహిత పాలన అందిస్తామని కేజ్రీవాల్ చెప్పడం హాస్యాస్పదంగా ఉందన్నారు. దీంతో అరుణ్ జైట్లీకి ప్రముఖ క్రీడాకారుల మద్దతు లభించే సరికి కాస్త సలైంట్ అయినట్టు కనిపిస్తుంది.