తాటతీస్తాం: పాక్‌కి ఇండియా వార్నింగ్!!
Published on: Fri Aug 1, 2014 12:46PM
భారత సైనిక దళాల ప్రధానాధికారిగా జనరల్ దల్బీర్ సింగ్ సుహాగ్ బాధ్యతలు స్వీకరించారు. అలా బాధ్యతలు స్వీకరించారో లేదో ఇలా పాకిస్థాన్‌కి వార్నింగ్ ఇచ్చారు. పాక్ సైనికులు భారత సైన్యం మీద దాడులకు పాల్పడితే తగిన గుణపాఠం చెబుతామని, అలాంటి చర్యలను చూస్తూ ఊరుకోబోమని హెచ్చరించారు. సైనికుల తలలు కత్తిరించడం లాంటి ఘటనలు జరిగితే చాలా వేగంగా, ఘాటుగా, పాకిస్థాన్ ఊహించని విధంగా ప్రతిస్పందిస్తామని ఆయన హెచ్చరించారు. ఆర్మీ చీఫ్‌గా పదవి చేపట్టి 24 గంటలు గడవక ముందే ఆయనీ హెచ్చరికలు చేయడం విశేషం. దల్బీర్ సింగ్ సుహాగ్ భారతదేశ 26వ ఆర్మీ చీఫ్‌.
