ఆంధ్రప్రదేశ్ పారిశ్రామిక, ఐటీ రంగాల భవిష్యత్తును మార్చేసే దిశగా ఐటీ శాఖ మంత్రి నారా లోకేష్ అడుగులు వేస్తున్నారు.  దక్షిణ కొరియా పర్యటనలో  భాగంగా రాష్ట్రానికి భారీగా పెట్టుబడులను ఆకర్షించడమే లక్ష్యంగా ఆయన చేస్తున్న ప్రయత్నాలు, సాధిస్తున్న సత్ఫలితాల పట్ల సర్వత్రా హర్షం వ్యక్తం అవుతోంది.  గత ప్రభుత్వ హయాంలో పారిశ్రామిక వృద్ధిపై అనేక సందేహాలు, విమర్శలు వ్యక్తమైన నేపథ్యంలో, ప్రస్తుత  తెలుగుదేశం కూటమి ప్రభుత్వం ఏపీని పెట్టుబడులకు గమ్యస్థానంగా మార్చే దిశగా వేగంగా అడుగులు వేస్తోంది.  ఇందులో భాగంగానే మంత్రి నారా లోకేష్ దక్షిణ కొరియాలోని ప్రముఖ దిగ్గజ వ్యాపార సంస్థల అధినేతలతో వరుస భేటీలు నిర్వహిస్తూ.. దిగ్గజ సంస్థలను ఏపీకి ఆహ్వానిస్తున్నారు. 

ఈ పర్యటనలో లోకేష్  షూఆల్స్, సోలమ్, అపాక్ట్, బూ యంగ్, హ్వాసుంగ్ వంటి దిగ్గజ కంపెనీలతో పాటు, శాంసంగ్ , ఎల్‌జీ  వంటి గ్లోబల్ టెక్ దిగ్గజాల ప్రతినిధులతో ప్రత్యేకంగా భేటీ అయ్యారు. ఆంధ్రప్రదేశ్‌లో పెట్టుబడులకు  ఉన్న అనుకూల వాతావరణం, ప్రభుత్వం అందిస్తున్న రాయితీలు, మౌలిక వసతులను వారికి సమగ్రంగా వివరించి వారు ఏపీలో పెట్టుబడులు పెట్టడానికి ఉత్సుకత, ఆసక్తి చూపేలా చేయడంలో సఫలీకృతులయ్యారు.

 కాగా రాష్ట్రానికి పెట్టుబడుల ఆకర్షణ యత్నాలలో భాగంగా నారా లోకేష్ వినూత్నంగా..  దక్షిణ కొరియా రాజధాని సియోల్‌లో ఒక భారీ పారిశ్రామిక రోడ్‌షోను నిర్వహించారు. ఆంధ్రప్రదేశ్ ప్రభుత్వం, దక్షిణ కొరియా బిజినెస్ ఫోరమ్ సంయుక్త భాగస్వామ్యంతో ఈ మెగా ఇన్వెస్ట్‌మెంట్ రోడ్‌షో జరిగింది. ఒకే వేదికపై నుంచి వందలాది మంది అగ్రశ్రేణి పెట్టుబడిదారులను, గ్లోబల్ టెక్ కంపెనీల ప్రతినిధులను ఆకట్టుకోవడానికి ఇదొక అద్భుతమైన మార్గంగా పరిశీలకులు విశ్లేషిస్తున్నారు. విదేశీ గడ్డపై ఇలాంటి సరికొత్త   పారిశ్రామిక వ్యూహాన్ని అమలు చేయడం లోకేష్‌లోని మోడరన్  లీడర్‌షిప్ స్కిల్స్‌కు నిదర్శనమన్న ప్రశంసలు వెల్లువెత్తుతున్నాయి. 

ఒకప్పుడు ఆంధ్రప్రదేశ్ అభివృద్ధిని వ్యతిరేకించిన పక్క రాష్ట్రాల నేతలు సైతం ఇప్పుడు లోకేష్ అనుసరిస్తున్న వినూత్న పారిశ్రామిక సంస్కరణలు ..  ఆయన చూపిస్తున్న చొరవను ఆదర్శంగా తీసుకుంటున్నారు.  

Andhra Pradesh Investments, Seoul Business Roadshow, Samsung LG Meeting, AP IT Minister, AP Industrial Reforms