ఆర్టీసీ సమ్మె బాటలో నడిచే అవకాశాలు కనిపిస్తున్నాయి. కార్మికుల క్రెడిట్ కో-ఆపరేటివ్ సొసైటీ (సీసీఎస్) నిధులను ఆర్టీసీ వినియోగించుకుని ఆ నిధులను తిరిగి జమచేయని అంశం మీద కార్మికులు ఆగ్రహంగా వున్నారు. ఈ అంశం మీద శనివారం నుంచి సమ్మె చేయనున్నట్టు ఆర్టీసీ ఎంప్లాయిస్ యూనియన్ (ఇయు) నాయకులు ప్రకటించారు. సీసీఎస్‌కి సంబంధించిన 220 కోట్లను ఆర్టీసీ తన సొంత ఖర్చులకు వాడుకుందని కార్మికులు ఆరోపిస్తున్నారు. ఈ డబ్బు వడ్డీతో కలిపి 293 కోట్లకు చేరిందని, ఆ డబ్బును వెంటనే తిరిగి ఇచ్చేయాలని ఆర్టీసీ కార్మికులు డిమాండ్ చేస్తున్నారు. అయితే సమ్మె నిర్ణయాన్ని మరో కార్మిక సంఘం నేషనల్ మజ్దూర్ యూనియన్ (ఎన్‌ఎంయూ) విభేదిస్తోంది. ముందస్తు నోటీసులు లేకుండా సమ్మెచేయడం సరికాదని పేర్కొంది.