శనివారం నాడు విజయవాడలో జరిగిన ఒక కార్యక్రమంలో ఏపీఎన్జీవోలు సత్కరించారు. ఈ సందర్భంగా ఏపీ ఎన్జీవోల అధ్యక్షుడు అశోక్‌బాబు మాట్లాడుతూ చంద్రబాబు నాయుడిని పరిణితి చెందిన రాజకీయ నాయకుడిగా అభివర్ణించారు. ఎన్టీఆర్ వల్లే తెలుగువారికి అంతర్జాతీయంగా గుర్తింపు లభించిందని, అలాగే చంద్రబాబు నాయకత్వంలో ఆంధ్రప్రదేశ్ రాష్ట్రం, హైదరాబాద్ అభివృద్ధి పథంలో పయనించాయని అశోక్ బాబు అన్నారు. రాజకీయ కుట్రతో రాష్ట్రాన్ని విభజించారని, ఆంధ్ర ప్రదేశ్ రాష్ట్రాన్ని అన్ని రంగాల్లో ముందుకు తీసుకువెళ్ళడానికి ఉద్యోగులు తమ సంపూర్ణ సహకారం అందిస్తారని ఆయన చెప్పారు. వచ్చే ఎన్నికల్లో తెలంగాణలో కూడా తెలుగుదేశం పార్టీ అధికారంలోకి రావాలని అశోక్‌బాబు ఆకాంక్షించారు.