అమరావతిలో ఆంధ్రప్రదేశ్ రాష్ట్ర సచివాలయం నిర్మాణానికి సీఆర్‌డీఏ చర్యలు చేపట్టడానికి అనుమతి ఇస్తూ ఏపీ ప్రభుత్వం ఉత్తర్వులు జారీ చేసింది. 20 ఎకరాల్లో 6 లక్షల చదరపు అడుగుల కార్యాలయ భవన నిర్మాణం చేపట్టడానికి టెండర్లు పిలవాల్సిందిగా ప్రభుత్వం ఆదేశాలు జారీ చేసింది. ఇందుకు 180 కోట్ల రూపాయల వ్యయం అవుతుందని ప్రభుత్వ అంచనా. ఇందులో వడ్డీలేని 90 కోట్ల రుణాన్ని ప్రభుత్వం సీఆర్‌డీఏ‌కి ఇస్తుంది. మిగిలిన 90 కోట్లు హడ్కో నుంచి రుణం పొందాల్సిందిగా నిర్దేశించింది. వివిధ విభాగాలకు కేటాయించిన వసతి ఆధారంగా వారి సాధారణ బడ్జెట్ నుంచి అద్దెను చెల్లించాల్సి వుంటుందని ప్రభుత్వం వివరించింది.