వీటి దుంపతెగ.. ప్రాణం తీశాయి...!
Published on: Wed Jul 2, 2014 4:02PM

ఖమ్మం జిల్లాలో విషాద సంఘటన జరిగింది. అడవి దుంపలు తిన్న ఒక మహిళ ప్రాణాలు కోల్పోగా, ఎనిమిది మంది తీవ్ర అస్వస్థతకి గురయ్యారు. ఖమ్మం జిల్లాలోని వెంకటాపురం అటవీ ప్రాంతంలో కూలీ పనులకు వెళ్ళిన కొంతమంది అడవిలో దొరికిన తెల్లచెన్నంగడ్డ అనే దుంపలను తవ్వుకుని ఇంటికి తెచ్చుకున్నారు. ఇంటి దగ్గర ఆ దుంపలను ఉడికించుకుని తిన్నారు. అయితే అవి విషపు దుంపలు కావడంతో భద్రమ్మ అనే 55 సంవత్సరాల మహిళ మరో ఎనిమిది మంది వాంతులు, విరోచనాలతో తీవ్ర అస్వస్థతకి గురయ్యారు. అడవిలో దొరికే అన్ని దుంపలూ తినడానికి పనికిరావని, అడవుల్లో విషపూరిత దుంపలు ఎక్కువగా వుంటాయి కాబట్టి గుర్తు తెలియని దుంపల్ని తినరాదని అధికారులు అంతా అయిపోయిన తర్వాత ప్రకటించారు.


