‘సేవ్ ఆంధ్రప్రదేశ్’ లో అశోక్ బాబు ప్రసంగం
Published on: Sat Sep 7, 2013 5:31PM
.jpg)
ఏపీ ఎన్జీవోల ‘సేవ్ ఆంధ్రప్రదేశ్’ సభలో ఎన్జీవో సంఘాల అధ్యక్షుడు అశోక్ బాబు మాట్లాడుతూ హైదరాబాదును ఆంధ్ర, తెలంగాణాలకు పుట్టిన బిడ్డ వంటిదని దానిపై ఇరుప్రాంతల వారికి పూర్తి హక్కులు ఉంటాయని అన్నారు. రాష్ట్ర విభజన జరిగితే విద్యార్ధులు, ఉద్యోగులు, ఆర్టీసీ ముందుగా నష్టపోతారని అన్నారు. విభజనవల్ల సమస్య పరిష్కారం కాకపోగా మరో ముప్పై కొత్త సమస్యలు పుట్టుకొస్తాయని, రాష్ట్రం విడిపోయి కొత్త సమస్యలతో ఇబ్బందులు పడే కంటే సమైక్యంగా ఉంటే మంచిదనే అభిప్రాయాన్నివివిధ రాష్ట్రాల పార్టీనేతలు వ్యక్తం చేసారని ఆయన అన్నారు. తమ సమైక్య ఉద్యమం కేంద్రం తన నిర్ణయం వెనక్కి తీసుకొనే వరకు కొనసాగుతుందని అన్నారు. ఒకవేళ కేంద్రం తెలంగాణపై ముందుకు వెళితే హైదరాబాదు పెరేడ్ గ్రౌండ్స్ లో మిలియన్ మార్చ్ చేపడతామని ఆయన అన్నారు.


