మొదట టీడీపీ గెలుపు.. రీకౌంటింగ్ లో ఫలితం తారుమారు
Published on: Wed Nov 17, 2021 11:14AM
ఏపీలో స్థానిక సంస్థల ఎన్నికల్లో కౌంటింగ్ కొనసాగుతోంది. నెల్లూరు జిల్లా బుచ్చిరెడ్డిపాలం మున్సిపాలిటీ కౌంటింగ్ లో ఉద్రిక్తతలు తలెత్తాయి.8వ వార్డులో మొదట ఓట్ల లెక్కింపులో టీడీపీ అభ్యర్థి మూడు ఓట్లతో గెలిచినట్లు ప్రకటించారు. తర్వాత వైసీపీ అభ్యర్థి కోరడంతో రీకౌంటింగ్ జరిపారు. అయితే రీకౌంటింగ్ తర్వాత వైసీపీ అభ్యర్థి గెలిచినట్లు ఎన్నికల అధికారులు ప్రకటించారు. దీంతో రీకౌంటింగ్ లో అక్రమాలు జరిగాయంటూ టీడీపీ అభ్యర్థి కౌంటింగ్ హాల్ దగ్గర ఆందోళనకు దిగాడు. దీంతో తీవ్ర ఉద్రిక్తత తలెత్తింది. పోలింగ్ రోజున అక్రమాలకు పాల్పడిన వైసీపీ నేతలు.. కౌంటింగ్ లోనూ దౌర్జన్యాలకు దిగుతున్నారని టీడీపీ నేతలు ఆరోపించారు.


