బడ్జెట్ గురించి జగన్‌కేం తెలుసు?
Published on: Thu Aug 21, 2014 6:01AM
‘‘జగన్... నీకసలు బడ్జెట్ అంటే ఏమిటో తెలుసా?’’ అని ఆంధ్రప్రదేశ్ ముఖ్యమంత్రి చంద్రబాబు నాయుడు ప్రతిపక్ష నాయకుడు జగన్‌ని సూటిగా ప్రశ్నించారు. ఆర్థిక మంత్రి యనమల బడ్జెట్ ప్రతిపాదించిన అనంతరం చంద్రబాబు మీడియాతో మాట్లాడారు. బడ్జెట్ ప్రతిపాదనల గురించి, కేంద్రం నుంచి రానున్న గ్రాంట్ గురించి కాసేపు మాట్లాడిన అనంతరం బడ్జెట్ గురించి వైసీపీ నాయకుడు జగన్ చేసిన వ్యాఖ్యలు ప్రస్తావనకు రాగా చంద్రబాబు తీవ్రంగా స్పందించారు. అసలు జగన్‌కి బడ్జెట్ అంటే తెలుసా అని ప్రశ్నించారు. మొదటిసారి ఎమ్మెల్యే అయిన జగన్ నేర్చుకోవాల్సింది, తెలుసుకోవాల్సింది చాలా వుందని చెప్పారు. తనకు 40 సంవత్సరాల రాజకీయ అనుభవం వుందని జగన్‌కి గుర్తుచేశారు. గత కాంగ్రెస్ ప్రభుత్వం చేసిన పాపాలన్నిటినీ కడిగే ప్రయత్నంలా బడ్జెట్ వుందని చంద్రబాబు చెప్పారు.
