ఆంధ్రప్రదేశ్ శాసన మండలి రద్దు?
Published on: Sun Jun 16, 2024 12:46AM
ఆంధ్రప్రదేశ్ శాసన మండలిని రద్దు చేయాలని ముఖ్యమంత్రి చంద్రబాబు నాయుడు ఆలోచిస్తున్నట్టు తెలుస్తోంది. మండలిని రద్దు చేయబోతున్నారని శనివారం నాడు అమరావతిలో వార్తలు హల్చల్ చేశాయి. ఆదివారం గానీ, సోమవారం గానీ మండలిని రద్దు చేసే అవకాశం వున్నట్టు తెలుస్తోంది. 2019లో జగన్ ప్రభుత్వం అధికారంలోకి వచ్చిన సమయంలో కూడా శాసన మండలిని రద్దు చేయాలని అనుకున్నారు. కానీ, ఆ తర్వాత ఆ ఆలోచనను విరమించుకున్నారు. ఇప్పుడు చంద్రబాబు ప్రభుత్వం అధికారంలోకి వచ్చిన తర్వాత మరోసారి శాసన మండలి రద్దు అంశం తెరమీదకి వచ్చింది. ఈ విషయంలో ఒకటి రెండు రోజుల్లో క్లారిటీ వచ్చే అవకాశం వుంది.


